Legenda:
Il mars passà: Giapunais che demonstravan a Tokyo cunter ovras atomaras.
Keystone
cuntegn
Exteriur - Giapun vul vinavant energia atomara
Malgrà la catastrofa atomara da Fukushima avant 4 onns, vul il Giapun nizzegiar l'energia nucleara era en il futur. Il ministeri d'industria giapunais propona per l'onn 2030 in mix d'energia che cumpigliass passa 20 pertschient energia nucleara, rapporta ina gasetta economica giapunaisa.
Uschia sa reduciss la cumpart da l'energia nucleara mo per pauc cumpareglià cun il temp avant la catastrofa da Fukushima. Actualmain èn tut ils reacturs giapunais ord funcziun. La regenza vul dentant puspè metter en funcziun quels – quai cunter la veglia d'ina pulita part da la populaziun.
