Legenda:
Suenter las attatgas a Paris è l'entir mund sa mussà solidaric ed ha commemorà las unfrendas sco qua a Lyon.
Keystone
cuntegn
Exteriur - Gruppa da terror «Stadi Islamic» preschenta attentaders da Paris
La milissa terroristica «Stadi Islamic» ha publitgà sin ses portal da medias in video che mussa apparentamain ils 9 attentaders da Paris. Schebain il video è autentic n'è per il mument anc betg vegnì confermà.
La gruppa da terror «Stadi Islamic» mussa en il video 4 Belgiais, 3 Franzos e 2 Iracais. Els duain avair mazzà ils 13 da november 130 persunas a Paris.
Il ministeri da l'exteriur franzos n'ha betg prendì posiziun. Il minister Bernard Cazeneuve ha ditg a la televisiun en connex cun il stadi d'urgenza ch'ins haja evità il 2015 almain 11 attentats cumparegliabels cun quests da Paris. Il stadi d'urgenza vala anc fin la fin da favrer.
