L'anteriur funcziunari da la partida unitara SED en la DDR, Günter Schabowski è mort. El è mort questa damaun en ina chasa da vegls a Berlin en la vegliadetgna dad 86 onns.
Quai ha sia dunna communitgà. Schabowski, ch'era commember dal biro politic en la DDR, aveva procurà ils 9 da november 1989 per ina sensaziun mundiala: Ad ina conferenza da medias aveva el ditg a l’ur ch'ils cunfins tranter la DDR e la BRD sajan averts. Schabowski è sa declerà, cuntrari a blers auters auts politichers da la DDR, a cunresponsabladad e culpa morala.
