Suenter las protestas violentas da las interpresas da taxi en Frantscha ha il president Francois Hollande pretendì da scumandar il servetsch da transport UberPop. Quel duai vegnir schlià e declerà sco illegal.
Hollande ha dentant er crititgà l'escalaziun da violenza. Quai na possian ins betg acceptar en ina democrazia, ha Hollande ditg oz en damaun a l'ur da l'inscunter da l'UE a Brüssel. Ier avevan chauffeurs da taxi protestà cunter la purschida da UberPop ch'intermediescha passagiers via Smartphone-App ad automobilists privats.
