Las autoritads americanas averteschan da las consequenzas catastrofalas ch'il hurican «Irma» pudess avair. «Irma», che vala sco il pli ferm hurican ch'è insacura vegnì mesirà ordaifer la Caribica, pudess chaschunar stemprads e plievgia fitg privulus. Quai communitgescha il center naziunal per huricans.
El ha proclamà avertiments dal pli aut stgalim er per la Republica Dominicana e Puerto Rico. 6 inslas en il sid da las Bahamas vegnan evacuadas. Experts quintan ch'il hurrican cuntanscha la sonda il sid da Florida.
RR novitads 06:00