La communitad mundiala sto intensivar sias stentas en il cumbat cunter il terrorissem atomar. Quai pretenda l’Agentura internaziunala da l’energia nucleara da l'ONU (IAEA). En vista a las attatgas terroristicas da Brüssel na saja betg da sclauder che materialias atomaras possian vegnir malduvradas per talas attatgas.
Ils stadis commembers stoppian avair dapli interess da rinforzar la segirezza atomara. Quai ha suttastritgà il schef da l’IAEA Yukiya Amano. Plutonium en la grondezza dad in grepfrut saja gia avunda per construir ina bumba atomara rudimentara.
RR novitads 06:00