Il president dals Stadis Unids Barack Obama po ussa suttascriver il preventiv che dura enfin ils 30 da settember 2017. Igl è previs d'augmentar las expensas dal stadi per 80 milliardas dollars.
Sch'il senat avess ditg na al budget, n'avessan ils Stadis Unids betg pli pudì far novs daivets a partir dal november. Democrats e Republicans sa dispitan dapi 2011 regularmain davart il budget.
En la dispita davart la refurma da sanadad dad Obama avevan ils Republicans bloccà il 2013 da deliberar il budget ed uschia sfurzà che numerusas instituziuns statalas eran serradas durant duas emnas. Tenor stimaziuns ha la bloccada custà l’economia publica americana 24 milliardas dollars.
RR novitads 12:00