-
Bild 1 von 7. Ils da Sidney beneventan l'onn 2017. Bildquelle: Keystone.
-
Bild 2 von 7. La miglia da party a Berlin. Bildquelle: Keystone.
-
Bild 3 von 7. Papa Francestg cun ina monstranza en las vespras a Roma. Bildquelle: Keystone.
-
Bild 4 von 7. Uffants, ch’èn fugids da la guerra en Irac, sa laschan picturar la fatscha per las festas da Bumaun. Bildquelle: Keystone.
-
Bild 5 von 7. Er il reschim da la Corea dal Nord beneventa l’onn 2017 cun in fieu artifizial a Pyongjang. Bildquelle: Keystone.
-
Bild 6 von 7. A Cologna en Germania vegn segirà in spazi da festa enturn la catedrala per prevegnir ad attatgas sexualas sco quai ch’ellas eran vegnidas fatgas avant in onn. Bildquelle: Keystone.
-
Bild 7 von 7. Fieu artifizial sur il district da finanzas a Singapur. Bildquelle: Keystone.
Gia 10 uras avant che la Svizra po beneventar l'onn nov han ins sajettà rachettas en il port da Sidney sur l'enconuschenta chasa da l'opera. Las vias da l'areal da festa eran vegnidas bloccadas cun bus per prevegnir ad eventualas attatgas terroristicas. En tut ha il spectacul custà a la citad 5,2 milliuns francs.
Ils emprims eran ils da Samoa ...
Sco a Sidney vegn festegià enturn tut il mund l'onn 2017. Sco emprims han beneventà ils abitants da Samoa l’onn 2017. Els han gia dapi las 11:00 (temp Europa centrala) Bumaun. Lura èn seguids Fidschi, la Nova Zelanda, Tonga, l’Australia, Papua-nova Guinea, Giappun, China ed il Sid-ost da l’Asia.
... ed ils ultims èn stads ils da Hawaii
Ils ultimsèn stads ils Americans: Fertant che New York fa festa han ils da Los Angeles e dad Anchorage da spetgar anc trais u quatter uras. La fin finala vegn fatg viva er a Hawaii: Numnadamain damaun las 11:00 (temp Europa centrala).
RR novitads 18:00