La bumba è vegnida bittada giu en il cumbat cunter posiziuns da l’organisaziun terroristica Stadi islamic en l’ost da l’Afghanistan, en la provinza da Nangarhar. Quai ha communitgà in pledader dal ministeri da la defensiun american.
La fin d’emna passada era in schuldà american mort en in’ operaziun cunter l’SI en la provinza da Nangarhar.
La bumba dal tip GBU-43/B Massive Ordnance Air Blast vegn numnada en il linguatg militar la «mamma da tut las bumbas».
RR novitads 21:00