Legenda:
In policist examinescha il lieu da l'attatga en il Russell Square, en il center da Londra.
Keystone
cuntegn
Exteriur - Ina morta e sis blessads tar in'attatga cun cuntè a Londra
Sin ina plazza centrala a Londra ha in um ier saira attatgà cun in cuntè plirs passants. Ina dunna è morta, enfin sis persunas èn blessadas. L’attatgader è vegni arrestà.
Sco la polizia communitgescha è l’attatga succedida al Russell Square, en il cirquit central da Bloomsbury, datiers dal Museum britannic. Cun ina pistola d’electroschoc ha la polizia pudì surventscher ed arrestar l’attatgader probabel. I sa tractga d'in um giuven da 19 onns. Tenor la polizia pudess il stadi psichic da l'um giugar ina rolla, ella na sclauda dentant er betg in act terroristic. Las investigaziuns cuntinueschan.
