Exteriur - «Irma» è la pli privlusa da tut ils huricans
Anc mai n'haja in hurican furià cun ina tala fermezza sco quai che «Irma» fa quai actualmain en la Caribica. Là ha il hurican custà la vita ad almain diesch persunas. Sin sia ruta ha el devastà pliras inslas caribicas - uschia Barbuda, Antigua e Saint-Martin.
Legenda:
Avant Irma –
Miami Beach, Florida: Turists spetgan per vegnir transportads en in center per evacuads.
Keystone
2 / 8
Legenda:
Avant Irma –
Georgia (USA): Il traffic d’evacuaziun da la Florida sa stagna suenter in accident.
Keystone
3 / 8
Legenda:
Gist suenter il hurican «Irma» segua cun «Jose» in proxim hurican.
Keystone
4 / 8
Legenda:
Il hurican fa in tur da devastaziun en la Caribica.
Keystone
5 / 8
Legenda:
Ils maletgs da Puerto Rico èn impressiunants.
Reuters
6 / 8
Legenda:
Suenter Irma –
Saint-Martin: Las devastaziuns sin l'insla.
Keystone
7 / 8
Legenda:
Suenter Irma –
San Juan, Puerto Rico: Tenor il guvernatur sajan mortas trais persunas pervi dal hurican.
Keystone
8 / 8
Legenda:
Suenter Irma –
Philipsburg, Sint Maarten: Ils donns ch’il hurican ha causà.
Keystone
In stemprà – plirs nums
Avrir la boxSerrar la box
En l’Altlantic dal Nord ed en il nord-ost dal Pacific han num quest tip da stemprads «hurican». En l’Ocean Indian ed en il Pacific dal Sid vegnan els numnads «ciclons». En il nord-vest dal Pacific discurran ins da «taifuns».
«Irma» saja il hurican pli ferm ch'è mai vegnì registrà en la regiun, rapporteschan las agenturas da novitads. El sa mova cun spertezzas maximalas da fin a 300 kilometers l'ura vers Haiti e Florida.
Tenor stimaziuns da las Naziuns Unidas pudessan ils proxims dis esser pertutgads fin 37 milliuns umans dals effects dal hurican.
Er sin l'insla caribica Barbuda ha «Irma» chaschunà gronds donns. Almain 95% dals bajetgs sajan donnegiads, per part destruids dal tut, ha ditg il primminister da Barbuda.
Ora sur la mar smanatscha gia nov privel: Sur l'Atlantic è en viadi «Jose», il proxim hurican. Cun il hurican «Katja» en il Golf da Mexico mussan las cartas actualmain trais huricans activs en la regiun:
Legenda:
Las cartas mussa ils lieus, nua ch'il trais huricans activs sa movan actualmain.
Keystone
audio
Saira: Neisa Bass a Miami davart hurican «Irma»
01:48 min, ord Actualitad dals 07.09.2017.
laschar ir. Durada: 1 minuta 48 Secundas.
audio
Emprims morts tras hurican Irma
00:58 min, ord Actualitad dals 07.09.2017.
laschar ir. Durada: 58 Secundas.
«Irma» cuntinua viadi vers Republica Dominicana e Bahamas
«Irma» procuria per grondas undas, ferma plievgia e vents burascus, ha communitgà il center naziunal da huricans dals Stadis Unids. Il hurican sa mova vinavant enavant en direcziun vest- nordvest.
El frunta sin la Republica Dominicana e pli tard prenda el curs sin las Bahamas.
