Legenda:
Ahmad Al Faqui al Mahdi, l'Islamist probabel, s'enricla da ses delicts.
Reuters
cuntegn
Exteriur - Islamist s'enricla a Den Haag
Al process istoric avant la dretgira penala mundiala (ICC) a Den Haag ha in Islamist da Mali dà tiers d'avair destruì a Timbuktu plirs bains culturals che tutgan al Patrimoni cultural mundial da l'Unesco. El saja responsabel per la destrucziun dals bajetgs religius.
Igl è l'emprima giada ch'in accusà avant la Dretgira penala mundiala dat tiers ses malfatg.
La stad 2012 ha la milissa dschihadistica Ansar Dine, che ha colliaziuns cun Al-Kaida, attatgà la citad Timbuktu en il Mali. Cun zappas e sigirs han els devastà fossas anticas ed ina moschea.
Devastar bains culturals dal patrimoni cultural mundial da l'Unesco vala sco crim da guerra.
