Siglir tar il cuntegn
Dus umens en unifurma.
Legenda: La procura publica da Milaun infurmescha davart l'arrestaziun da 6 dschihadists supponids. Keystone

Exteriur Italia: Arrestà 6 dschihadists supponids

Tranter quels er in um talian ch'è stà campiun svizzer dal sport da cumbat.

En il Nord da l’Italia ha la polizia arrestà sis dschihadists supponids. Quai han communitgà las autoritads talianas.

La procura publica renfatscha a las sis persunas da far part dad in’organisaziun terroristica internaziunala. Ina da las persunas saja stada 2 giadas campiun svizzer dal sport da cumbat. I sa tractia dad in Talian cun ragischs marocanas che haja planisà in'attatga a Roma.

La procura da Milaun ha manà las investigaziuns. Las persunas èn vegnidas arrestadas en las regiuns da la Lumbardia e dal Piemunt.

RR novitads 21:00

Artitgels legids il pli savens