Malgrà las rinfatschas d'avair mulestà sexualmain pliras dunnas durant ses temp da student, è Kavanaugh vegnì elegì sco nov derschader en il Supreme Court, la pli auta dretgira da l'USA. Cun l'elecziun da Kavanaugh han ils conservativs puspè la maioritad en il Tribunal suprem – e quai probablamain per ils proxims onns. Ils derschaders per il Supreme Court vegnan numnadamain elegì per vita duranta.
Il resultat da l'elecziun pon ins valitar sco gronda victoria per la politica interna dal president american Donald Trump. Ina maioritad conservativa en la dretgira è stà ina da las grondas empermischuns electoralas da Trump.
RR novitads 06:00