Tenor la polizia da la Malaisia saja vegnì chattà vi da la bara da Nam il tissi da la gnerva VX. La substanza toxica VX vegn era duvrada sco arma chemica. Be paucs milligrams èn avunda per mazzar ina persuna.
Kim Jong Nam è mort avant 10 dis sin la plazza aviatica da Kuala Lumpur, cura ch'el vuleva viagiar en China. Duas dunnas avevan attatgà el. El ha adina puspè crititgà il reschim da Kim Jong Un. Tgi che stat exactamain davos il crim n'è anc betg enconuschent.
RR novitads 06:00