I saja ina cunvegna ch'il president da la Tirchia Recep Tayyip Erdogan tira a niz per metter tras sia agenda politica, uschia Reto Rufer dad Amnesty International Svizra. Pertge Erdogan veglia evitar ch'ils curds survegnian in stadi autonom. Uschia intervegn Erdogan en il conflict da la Siria. L’Europa e l’America crititgeschan bain las intervenziuns da la Tirchia, per blers dentant memia pauc ferm. Il motiv per la critica moderada saja la cunvegna da fugitivs che vala tranter la Tirchia e l'Europa. Erdogan dovria la cunvegna da fugitivs sco pressiun.
Erdogan tegna ils fugitivs sco meds da pressiun envers l’Europa per meter tras sia agenda politica. Pertge l'Europa vul tegnair davent ils fugitivs.
Schleta situaziun, ma grond dumber
Ils fugitivs en Tirchia, dentant era en auter pajais, vegnian explotads sin il martgà da lavur ed insumma na hajan els betg segirezza per l’avegnir di Rufer.
Che la situaziun per ils fugitivs na saja betg buna di era Anja Klug da l'uniun per ils fugitivs (l’UNHCR). Dentant di ella, ch'ins na sa possia betg emblidar, che la Tirchia saja in dals pajais ch'ha prendì si ils pli blers fugitivs dal mund, betg mo da la Siria, era da l’Afganistan ed era fugitivs da l’Irak.
Nus na pudainsa betg emblidar, che la Tirchia è in dals pajais, ch'ha prendì si ils pli blers fugitivs.
RR actualitad 08:00