Gia avant l'inscunter suprem a Brüssel aveva la cumissiun da l'UE valità las mesiras da l'Austria sco illegalas.
Tge ch'ils Austriacs han decis n'è betg cumpatibel cun il dretg da l'UE.
Ils Austriacs sajain obligads dad acceptar dumondas d'asil senza limita, uschia Avramopoulos vinavant.
Austria stat tar sia decisiun
Il chancelier austriac Werner Faymann ha defendì la decisiun da la regenza: I na saja betg pussaivel per l'Austria da prender si tut ils fugitivs da l'entira Europa. Ils giurists vegnian a reagir sin la ranfatscha da la cumissiun da l'UE. Politicamain stettian els dentant tar la decisiun.
A partir dad oz vul l'Austria acceptar be pli 80 fugitivs per di al cunfin.
RR novitads 06:00