Legenda:
La bandiera è vegnida tratga si en rama d'ina ceremonia festiva en la curt da l'ambassada americana.
Keystone
cuntegn
Exteriur - La bandiera americana sgulatscha puspè a Havanna
Suenter passa in mez tschientaner han ils Stadis Unids puspè tratg si lur bandiera en la Cuba: Il minister da l'exteriur american, John Kerry, ha inaugurà la nov'ambassada a Havanna.
Quai saja in nov chapitel en las relaziuns tranter ils Stadis Unids e la Cuba, ha ditg Kerry. Plirs 100 giasts envidads ed aspectaturs han observà l'eveniment.
Las relaziuns diplomaticas tranter ils Stadis Unids e la Cuba èn pir sa normalisadas avant in pèr emnas, suenter che quellas eran vegnidas interruttas durant la Guerra fraida il 1961.
