La cumissiun da l'UE ha communitgà ch'ella veglia examinar schebain la regenza polaca haja violà ils princips dal stadi da dretg. Tranter auter intercurescha ella schebain las decisiuns da la regenza naziunal-conservativa limiteschan las cumpetenzas da la dretgira constituziunala polaca. Ultra da quai vul ella controllar sche las medias statalas vegnan messas sut la controlla da la regenza. Sche quai è il cas, propona la cumissiun mesiras da correctura. Quellas sto la Pologna lura realisar, uschiglio po l'UE retrair ad ella il dretg da vuschar en il Cussegl europeic ed ad inscunters da l'UE.
RR novitads 14:00
