Legenda:
Ils fans svedais sa legran cun il victur da l'ESC.
Keystone
cuntegn
Exteriur - La Svezia gudogna l'Eurovision Song Contest
L'um da 28 onns ha persvadì cun sia chanzun «Heroes» ed in'animaziun da computer extraordinaria. Per la Svezia è quai la 6avla victoria da l'Eurovision Song Contest.
Måns Zelmerlöw è il successur da Conchita Wurst, ch'aveva gudagnà avant in onn a Kopenhagen. L'ediziun da giubileum è stada a Vienna. Sin il segund plaz è la Russia e sin il terz l'Italia.
L'Austria, il pajais ospitant, n'ha betg tutgà il gust europeic ed n'ha survegnì nagins puncts. Era la Germania ha stuì ir a chasa senza puncts. La Svizra, ch'era gia crudada or en il mezfinal, aveva survegnì 4 puncts. Al final han 27 naziuns fatg part.
