Legenda:
Oz vegn il schef da VW en l'America a tegnair in pled avant il congress dals Stadis Unids.
Keystone
cuntegn
Exteriur - Las manipulaziuns da VW eran gia conuschentas dapi daditg
Il schef da VW en ils Stadis Unids, Michael Horn, saveva gia dapi in onn e mez davart las manipulaziun tar ils tests da svapur dal concern. Uschia èsi da leger en il pled che Horn tegna oz avant ina cumissiun dal congress american.
El saja vegnì infurmà la primavaira avant in onn ch'i vegnia probabel cuntrafatg a las directivas d'emissiuns. Ad el saja er vegnì communitgà che l'uffizi american per l'ambient possia ordinar chastis per tals surpassaments. Uss vul Horn sa perstgisar avant il congress american en il num da Volkswagen.
