Legenda:
Ils sunatibas vegnan da l’entira Svizra per dar dus concerts la fin settember a Milaun.
Keystone
cuntegn
Exteriur - Las tibas resunan a Milaun
Uss èsi definitiv. Ils dus concerts cun 420 sunatibas da la Svizra a l’Expo a Milaun pon avair lieu. Quai ha confermà Hans Peter Danuser, ch’ha inizià il project «tibas enstagl d’alumbards» ad RTR.
I saja reussì da chattar dus novs partenaris per ils concerts, uschia ch’ils dus concerts planisads per ils 26 da settember sajan garantids. Anc avant pacs dis eri fitg intschert sche quests concerts possian avair lieu cunquai ch’il sponsur principal era sa retratgs dal project.
Ils 420 sunatibas da l’entira Svizra vegnan a dar dus concerts la fin settember a Milaun: in sin l’areal da l’exposiziun mundiala e l’auter sin il dom da Milaun.
