Durant ina acziun militara en la Libia han ils Stadis Unids da l’America apparentamain mazzà il manader dals dschihadists algerians Mokhtar Belmokhtar. Quai communitgescha la regenza da la Libia renconuschida internaziunalmain sur Facebook.
Belmokhtar vegn fatg responsabel per plirs attentats en l'Africa. Tranter auter per l'attatga mortala dal mars passà en il Mali, nua ch'era dus commembers da l'armada svizra eran vegnids blessads.
Il departament da defensiun american ha sulettamain confermà l'attatga sin Belmokhtar, n'ha dentant betg pudì confermar che quel saja vairamain vegnì mazzà.