-
Bild 1 von 7. Ariana Grande. Bildquelle: Keystone.
-
Bild 2 von 7. Miley Cyrus. Bildquelle: Keystone.
-
Bild 3 von 7. Justin Bieber. Bildquelle: Keystone.
-
Bild 4 von 7. Pharell Williams. Bildquelle: Keystone.
-
Bild 5 von 7. Usher. Bildquelle: Keystone.
-
Bild 6 von 7. Niall Horal. Bildquelle: Keystone.
-
Bild 7 von 7. Chris Martin da la band Coldplay. Bildquelle: Keystone.
Da l’analisa da cameras da surveglianza ed oters mussaments concluda la polizia, che l’attentader haja fatg en ils quatter dis avant l’attatga bleras da sias acziuns e da ses moviments sulet. Uschia citescha la gasetta The Guardian a Russ Jackson, il schef da l’unitad anti terror cumpigliada en las investigaziuns,
L'emprim era vegnida supponida ina rait da terror
L’attentader aveva stratg en la mort 22 umans e blessà 116 auters suenter in concert da la chantadura americana Ariana Grande ils 22 da mai. Curt suenter l’attenta aveva la polizia communitgà da supponer ina rait da terror sco inizianta da l’attatga. La milissa da terror Stadi Islamic SI aveva profità da l’occasiun e reclamà l’attenta per sai.
11 persunas en fermanza da la polizia
Fertant èn trais persunas arrestadas en connex cun l'attentat puspè libras. 11 vegnan anc tegnidas en fermanza da la polizia. Anc na possia ella betg excluder, ch’ina rait da terror saja stada cumpigliada, ha il schef da l’unitad anti terror ditg vinavant.
Ariana Grande turna cun concert da benefizi «One Love Manchester»
La chantadura americana Ariana Grande ha annunzià entant, da returnar la dumengia proxima cun auters stars sco Justin Bieber, Miley Cyrus u Katy Perry ad in concert da benefizi per las unfrendas da Manchester.
RR novitads 06:00+