Legenda:
Cun ina brev a la naziun:
La primministra fa reclama per la cunvegna davart il Brexit.
Keystone
cuntegn
Exteriur - May sa drizza a la naziun cun ina brev
Avant l'inscunter suprem da l'UE davart il Brexit ha la primministra britannica Theresa May appellà al pievel da sustegnair la cunvegna per la sortida da la Gronda Britannia.
En ina brev averta a la naziun britannica ha May scrit, ch'ella vegnia a s'engaschar cun cor ed olma per ch'il parlament britannic ditgia GEA a la cunvegna. Quella saja en l'interess da la Gronda Britannia.
I vegn fatg quint ch'ils 27 stadis da l'UE suttascrivian il contract suenter che la Spagna ha chattà in cumpromiss cun Londra en la dumonda dal Gibraltar. Sch'er il parlament britannic di però gea a la cunvegna il december è intschert.
