Legenda:
Il stgalim da terror resta aut, radund la mesadad da las staziun da metro èn dentant puspe avertas.
Reuters
cuntegn
Exteriur - Metro a Brüssel cursescha puspè
Suenter 4 dis d'interrupziun cursescha la metro a Brüssel puspè. Dapi las 6 èn 35 da 69 staziuns da la metro puspè avertas, communitgeschan las interpresas da transports publics da Brüssel. Bleras lingias curseschan però be en maniera limitada.
Las scolas e las canortas èn era puspè avertas. Las mesiras da segirezza èn però severas. Las entradas èn survegliadas ed ils geniturs ed ils uffants ston s'identifitgar. A Brüssel vala anc adina il stgalim d'alarm da terror il pli aut. Quai resta fin il glindesdi proxim.
