-
Bild 1 von 5. Suczess per las autoritads anti-drogas - . la procuratura publica americana, Laura, Duffy, tar la conferenza da pressa en vischinanza da San Diego. Bildquelle: Keystone.
-
Bild 2 von 5. Equippà cun aria currenta - . Cesar Sotelo dal Border Patrol Special Operations survaglia l'entrada dal tunnel. Bildquelle: Keystone.
-
Bild 3 von 5. Access pauc spectacular - . quest è l'entrada ad in tunnel da drogas da 730 meters. Bildquelle: Keystone.
-
Bild 4 von 5. Il lift en il tunnel da drogas - . ils cuntrabandists lavuran da maniera raffinada. Bildquelle: Keystone.
-
Bild 5 von 5. Mariuana confiszada - . in purtret dal 2010, nua che las autoritads rapportan dad in chat da 24,5 tonnas mariuana. Bildquelle: Keystone.
Il tunnel è occupà cun in lift, glischs, conducts d'aria e binaris per il transport. El maina dad ina chasa a Tijuana en il Mexico sur il cunfin sin in terren ad Otay Mesa en la California, ha communitgà la procura publica responsabla. Là era cuvernada l’entrada en il tunnel dad in grond container da rument.
Acziun cunter la cuntrabanda da drogas
Las autoritads han surprais ils cuntrabandists da drogas cura ch’els eran vi da chargiar in camiun. En l’acziun èn vegnids arrestads 6 suspectads. Las autoritads han confiscà ina tonna cocain e 6 tonnas mariuana.
-
Bild 1 von 5. Scappà tras la duscha - . in purtret da la cella da Joaquin «El Chapo» Guzman, che duai mussar tenor las autoritads Guzman sez. Bildquelle: Keystone.
-
Bild 2 von 5. Cul töf in 18 minuts en la libertad - . uschè lunsch haja durà, fin che las autoritads en praschun han badà, cha Guzman è davent. Bildquelle: Keystone.
-
Bild 3 von 5. Endadens il tunnel da Guzman - . in policist en il tunnel da fugia or da la praschun da segirezza maximala Altiplano. Bildquelle: Keystone.
-
Bild 4 von 5. Qua è el passà - . in schurnalist mexican rapportescha da la sortida dal tunnel da fugia da Guzman. Bildquelle: Keystone.
-
Bild 5 von 5. Arrestaziun da Guzman - . suenter sia fugia vegn il boss da drogas pli tschertgà dal mund arrestà als 8 schaner da marines mexicans. Bildquelle: Keystone.
In auter tunnel raffinà - il tunnel da fugia dad «El Chapo»
Gia l’onn passà aveva procurà in auter tunnel mexican per attenziun mundiala. Lura era scappà il boss da drogas mexican, Joaquin «El Chapo» Guzman, da sia duscha en praschun. Là era vegnì construì in tunnel da passa 1kilomter lunghezza, ch’era equipà schizunt cun in töf per che Guzman possia scappar. La fugia ha dat rumpatesta a la regenza Mexico e procurà ad ella difficultads diplomaticas cun ils Stadis Unids.
Il boss da drogas pli tschertgà dal mund è dapi il schaner 2016 danovamain en praschun.
RR novitads 06:00