Milo Djukanovic gudogna l'elecziun dal president en il Montenegro. Suenter che bunamain tut las vuschs èn dumbradas, vegn il socialist sin bun 54% da las vuschs. Quai ha communitgà la cumissiun electorala. Sin il segund plaz suonda l'interprendider Mladen Bojanic cun 33%.
Djukanovic ha 56 onns ed è dapi passa 25 onns il politicher cun la pli gronda influenza en il Montenegro.
Il Montenegro ha radund 620'000 abitants ed è daventà commember da la NATO l’onn passà. Ils proxims onns vul il pajas er entrar en l’UE.
RR novitads 08:00