Legenda:
La polizia federala americana segirescha fastizs suenter l’attatga mortala en la citad da Chattanooga.
Keystone
cuntegn
Exteriur - Motiv nuncler suenter attatga sin schuldada americana
Ils Stadis Unids da l'America an reagì cun sgarschur e cun mesiras da segirezza pli severas - sin l'attatga mortala sin 2 instituziuns militaras en il stadi federal Tennessee.
Schebain ch'il motiv da l'attatgader n'è anc betg enconuschent - persequiteschan las autoritads era ina raschun terroristica.
Ier aveva l'attatgader sajettà giu 4 commembers da la marina. E tenor indicaziuns da la polizia èn 4 ulteriuras persunas vegnidas blessadas. Durant ina sajettada cun la polizia è silsuenter era il delinquent mort - in um da 24 onns cun ragischs en il Kuwait ed en la Jordania.
