Legenda:
Sche quai na gartegia betg d’eleger in schef da regenza aifer ils proxims 2 mais, lura datti novas elecziuns.
Keystone
cuntegn
Exteriur - Nagin nov schef da regenza per Catalugna
En la Catalugna n’è l’elecziun dal schef da regenza dal cabinet regiunal betg reussida. L’actual schef da regenza, Arthur Mas, n’ha betg cuntanschì ina maioritad en il parlament catalan.
La partida da Mas, Junts pel Sí (communablamain per il gie), era dependenta da las vuschs da coaliziun da la partida separatista da la sanestra CUP.
Separatists sanesters na sustegnan betg Mas
La CUP ha dentant refusà il sustegn per Mas. Quai cun l’argument ch’el n’haja betg intervegnì suffizientamain en il cumbat cunter la corrupziun en sia partida. Latiers na van ils separatists betg d’accord cun la politica da spargn da Mas.