Legenda:
L'accident dals 16 d'avust è gia la terza disgrazia aviatica en l'Indonesia aifer 8 mais.
Keystone
cuntegn
Exteriur - Nagins survivents
En l'Indonesia han las truppas da salvament entant cuntanschì il lieu da disgrazia da l'aviun da passagiers ch'era crudà giu la dumengia. Naginas da las 54 persunas a bord hajan survivì la disgrazia. L'aviun saja destruì cumplettamain, ha fatg a savair il servetsch da salvament.
Las truppas da salvament han chattà tuttas 54 baras en il lieu da la disgrazia. Bleras da las unfrendas sajan brischadas uschè fitg, ch’ins n’enconuschia betg pli ellas.
L'aviun da propeller da la Trigana Air era da viadi da Jayapura en la provinza Papua, cura ch'el è sparì dal radar 10 minutas avant l'atterrada planisada. Fin uss n’èsi anc betg enconuschent, daco che l’aviun era crudà giu.
