El ha refusà las giustificaziuns israelianas, che las forzas da segirtad emprovian da tegnair bass il dumber d’unfrendas. Tar las demonstraziuns al cunfin tranter Israel e Gaza datti gia dapi la fin da mars adina puspè unfrendas.
Fin uss hajan forzas israelianas mazzà 87 Palestinais, tranter quels era 12 uffants, ha ditg il responsabel da l’ONU. Latiers vegnan anc 29 unfrendas betg palestinaisas. Ils responsabels israelianas refusan las reproschas sco betg correctas.
Egipta vul tegnair liber in passadi durant il Ramadan
L’Egipta vul tegnair liber in passadi da cunfin cun la Strivla da Gaza durant l’entir mais da Ramadan. Quai saja il pli lung temp che la bloccada da la Strivla da Gaza vegn schluccada, scrivan las agenturas da novitads. Il president egipzian Abdel Fattah al-Sisi haja ordinà questa avertura per ch’ils frars palestinais possian sa revegnir, scriva il president via las medias socialas.
RR novitads 14:00