Legenda:
Maletg simbolic: Expert da neutralisar bumbas en servetsch.
Keystone
cuntegn
Exteriur - Neutralisà 4 bumbas da guerra sin areal da scola a Kiel
Sin in areal da scola en la citad tudestga da Kiel han experts neutralisà gist 4 bumbas da la Segunda guerra mundiala. Scolars e magistraglia avevan emprendì ed instruì decennis a la lunga senza sminar insatge direct sper projectils nunexplodids.
Per pudair cuntanscher las bumbas han spezialists stuì chavar durant duas emnas mo cun palas e mauns. Las stremblidas d'in exchavatur fissan stadas memia privlusas, ha la polizia ditg. Per motivs da segirtad han da quai da 4500 persunas stuì vegnir evacuadas.
