Legenda:
Rosario Murillo e ses um Daniel Ortega, il president dal pajais.
Keystone
cuntegn
Exteriur - Nicaragua: President e sia dunna candideschan
Il president da la Nicaragua, Daniel Ortega, candidescha per sia reelecziun l'atun proxim ensemen cun sia dunna. L'um da 70 onns ha preschentà sia dunna Rosario Murillo sco vicepresidenta. Els dus han inoltrà lur candidatura communablamain.
Murillo è pledadra da la regenza e ministra en la regenza da ses um. Tenor retschertgas è ella bainvesida. Critichers averteschan dentant ch'Ortega pudess installar sia dunna sco successura ed uschia etablir ina dinastia da famiglia.
La reelecziun d'Ortega en la Nicaragua vala sco probabla, damai che l'opposiziun dividida.
