L'Ucraina avertescha da novs cumbats en l'ost dal pajais. La Russia haja gia dischlocà truppas, ha ditg il minister da defensiun ucranais Stepan Poltorak.
In grond dumber da tancs ed artigliaria sajan vegnids transportads en la regiun. En la vischinanza da las citads Luhansk e Donezk sajan unitads da l'armada russa.
Il president da l'Ucraina, Petro Poroschenko, ha smanatschà cun il dretg da guerra sch'i dettia attatgas sin il militar.