Legenda:
Ils terratrembels da las ultimas 24 uras.
Servetsch seismologic da l'ETH
cuntegn
Exteriur - Nov terratrembel en l'Italia Centrala
L'epicenter dal terratrembel cun ina fermezza da 4,8 è stà en la provinza Mecerata, en la regiun da le Marche. Il mument na datti nagins rapports davart blessads u donns pli gronds, communitgeschan las autoritads civilas.
L'epicenter saja stà en ina profunditad da mo 10 kilometers, uschia che las stremblidas a la surfatscha èn stadas pli fermas. Ils ultims dis è l'Italia vegnida scurlattada d'ina seria da terratrembels. Quel da la dumengia cun ina fermezza da 6,5 sin la scala da Richter ha chaschunà grevs donns. Tut en tut han passa 1'100 terratrembels posteriurs scurlattà la regiun ch'era gia destruida. 20 da quels han tenor l'observatori da terratrembels naziunal gì ina fermezza da passa 4,0.
