Legenda:
Tar si'entrada en uffici il 2009 aveva Obama empermess da serrar la praschun a Guantanamo.
Keystone
cuntegn
Exteriur - Obama suttascriva budget militar da 620 milliardas francs
Ils Stadis Unids da l'America dastgan dar ora l'onn proxim 620 milliardas francs per l'armada. Il president Barack Obama ha suttascrit la lescha da preventiv. Quai malgrà las mesiras dispitaivlas en il preventiv davart la praschun a Guantanamo.
Obama tema che questas mesiras retardeschan da serrar la praschun. Avant in mais ha Obama perquai anc bloccà il preventiv cun ses veto.
Igl è temp da terminar il chapitel Guantanamo
Sco il president american ha ditg, flaivlentia il mantegniment da la praschun a Guantanamo il renum dals Stadis Unids en il mund. Il champ dovria resursas, fetschia donn a relaziuns tar impurtants alliads ed animeschia extremists violents.
Legenda:
Actualmain sa chattan 107 arrestads sin la basa militara a Cuba.
Keystone
Per il congress saja quai uss il temp da terminar la resistenza e da serrar il chapitel istoric, uschia Obama.Tenor indicaziuns d’Obama han ins fin uss reducì il dumber da praschuniers per 85%.
