Legenda:
Bunas novas per l'investider egipzian Samih Sawiris e sia Orascom.
Keystone
cuntegn
Exteriur - Orascom crescha vinavant
Il concern da construcziun e d'hotels Orascom da l'investider egipzian Samih Sawiris crescha vinavant. Ils emprims 6 mais da quest onn ha la gruppa augmentà sia svieuta per 36% sin passa 165 milliuns francs.
Sut il stritg ha Orascom gudagnà 47 milliuns francs, scriva il concern egipzian. Pir avant in onn eri grategià ad Orascom da returnar en las cifras nairas. Contribuì a quest resultat haja surtut il svilup en il segment d'hotels, scriva l'Orascom. Quai malgrà la situaziun intscherta en l'Egipta suenter las turbulenzas da la revoluziun.
