Legenda:
In mattet che vegn tgirà en in ospital en la Siria.
Keystone
cuntegn
Exteriur - Ospitals ad Aleppo ston serrar
Suenter attatgas han dus ospitals en la citad siriana d'Aleppo sistì lur manaschi. Ils rebels rinfatschan al reschim da Baschar al Assad da sajettar sin ospitals sco tactica da guerra.
Almain ina clinica d'urgenza saja vegnida tutgada, ha ditg in pledader d'in'organisaziun d'agid che sustegn ospitals. Cun talas attatgas vegnian umans sentenziads a la mort.
Il secretari general da l'ONU, Ban Ki Moon, ha condemnà las attatgas sin ils ospitals sco crims da guerra e ditg vinavant: «Imaginai ina chasa da meztga. Quest qua è mender. La meztga è pli umana».
