Legenda:
Il papa a l'inscunter cun las represchentantas da divers urdens.
Keystone
cuntegn
Exteriur - Papa examinescha nominaziun da diaconas
Il papa Francestg ponderescha la permissiun per dunnas a l'ordinaziun diaconala. El saja pront da metter en ina cumissiun ch'examinescha questa pussaivlada, ha ditg il papa en in discurs cun represchentantas dad urdens. Quai rapportan schurnalists ch'eran preschentas a l'inscunter.
Il pledader dal papa n'ha anc betg vulì confermar quai. - Il diacon è en la ierarchia catolica in stgalim sut il spiritual e surpiglia pensums en il servetsch liturgic ed en la pastoraziun. Dapi il segund concil vatican ils onns 60 pon era umens maridads daventar diacons.
