Legenda:
Accepta la terrada: Htay Oo, il parsura da la partida USDP.
Keystone
cuntegn
Exteriur - Partida regenta en Myanmar conceda terrada
3 dis suenter la fin da las elecziuns en il stadi Myanmar ha la regenza uffizialmain concedì la terrada a las elecziuns. Il parsura da la partida regenta USDP ha concedì la terrada e ditg ch’el speria che la regenza nova maina il pajais en la dretga direcziun.
Durant decennis ha il militar regì il pajais cun ina dictatura militara. Dapi il 2011 regian generals en civil il pajais.
Tenor indicaziuns da la cumissiun electorala ha l’opposiziun uss gudagnà var 90% dals mandats. Fin uss èn las vuschs da 182 dals 491 sezs dumbradas or.
La manadra da l’opposiziun e purtadra dal premi nobel per la pasch Aung San Suu Kyi ha er gudagnà las elecziuns en ses circul electoral Kawhmu, sco la cumissiun electorala conferma.
