Exteriur - Passa 400 morts suenter il terratrembel en il Hindukusch
Suenter il grev terratrembel en l'Afghanistan e Pakistan è il dumber da las unfrendas entant creschì sin passa 400. Da quellas sajan sulet 310 mortas en il Pakistan, ha ditg ina pledadra da la protecziun da catastrofas. Il dumber da las unfrendas pudess crescher vinavant.
Legenda:
Il dumber dals morts pudess crescher vinavant.
Keystone
2 / 2
Legenda:
Blers han passentà la notg fraida en il liber ed en las ruinas da lur chasas.
Reuters
Gidanters sajan sina via en la regiun da catastrofa. La finamira saja da gidar tant pli spert ils pertutgads. Il mument dovrian ins surtut cuvertas e tendas per che las persunas possian sa proteger da la fradaglia e da la plievgia. Pertutgà dal terratrembel da 7,5 èn il Pakistan, l'Afganistan e l'India. L'epicenter dal terratrembel è stà en il nordost da l'Afganistan.
Latiers èn bleras regiuns mo grev accessiblas ed i dat strusch infurmaziuns. Radund 4'000 chasas èn donnegiadas.
