Las vias e plazzas turisticas a Londra èn bain plain reclamas, dentant naginas reclamas politicas. Ni sin il Piccadilly Circus, ni avant il Buckingham Palace ni en la Oxford Street - nagliur èn da vesair placats cun parolas pro u contra in Brexit u cun chaus da politichers.
-
Bild 1 von 8. Las bandieras en la Oxford Street èn plitost per ils turists che fan shopping. Bildquelle: RTR/nc.
-
Bild 2 von 8. Bleras reclamas al Piccadilly Circus, ma naginas davart la votaziun da Brexit... Bildquelle: RTR/nc.
-
Bild 3 von 8. Era sut terra en las staziuns da la metro da Londra n'èn nagins placats da Brexit. Bildquelle: RTR/nc.
-
Bild 4 von 8. En il center da Londra èn las bandieras plitost tschertgadas en furma da paraplievgias. Bildquelle: RTR/nc.
-
Bild 5 von 8. Massa polizia e saivs massivas en la 10 Downing Street per il primminister David Cameron. Bildquelle: RTR/nc.
-
Bild 6 von 8. L'enconuschent Big Ben ed il parlament a Londra. Bildquelle: RTR/nc.
-
Bild 7 von 8. Insaquants schurnalists che spetgan sin politichers avant il parlament. Bildquelle: RTR/nc.
-
Bild 8 von 8. In dals sulets indizis per ina votaziun a Londra èn las gasettas als kioscs. Bildquelle: RTR/nc.
La votaziun da Brexit occupa dentant ils turists ed els èn era bain infurmads - surtut ils turists che derivan ord pajais europeics. Blers speran che la Gronda Britannia restia vinavant commembra da l'UE.
Tema omnipreschent en las gasettas
The Guardian ha publitgà ina fotografia da Jo Cox, la parlamentaria ch'è vegnida mazzada, e tematisescha schebain il primminister David Cameron nizzegia questa tragedia per ses votums da restar en l'Uniun Europeica. The Daily Telegraph mussa ina gronda fotografia da Boris Johnson, in dals pli prominents politichers che vuless sortir da l'UE, ch'è da l'avis che la Gronda Britannia haja be ina giada la schanza da midar l'istorgia da l'entira Europa.