En il Jemen duai cumenzar oz da mezdi - temp europeic - ina pausa da cumbat. Questa valia ina giada per in'emna, rapporta l'agentura da novitads statala da l'Arabia Saudita. Avant avevi gì num che la pausa cumenza gia la notg.
Il medem temp vulan las partidas da conflict dal Jemen contractar a Genevra cun l'intermediaziun da l'ONU per in armistizi permanent.
Dapi 9 mais bumbardescha in'allianza dirigida da l'Arabia Saudita las posiziuns dals rebels da Huthi en il Jemen. Era las organisaziuns terroristicas «Stadi Islamic» ed «Al-Kaida» nizzegian il vacum da regenza.
Da la guerra civila en il Jemen èn fin ussa 6'000 persunas mortas.
RR novitads 08:00