Legenda:
Ils candidats democrats Hillary Clinton (sanester) e Bernie Sanders.
Keystone
cuntegn
Exteriur - Per Clinton èsi cler ch’ella ha gudagnà cunter Sanders
Per Hillary Clinton èsi cler ch'ella ha gudagnà il cumbat intern dals democrats per la candidatura dal presidi american.
Ella vegnia ad esser la candidata da sia partida, ha ditg Clinton a l'emettur american CNN.
Tar las pre-elecziuns haja ella fin ussa fatg 3 milliuns vuschs dapli che ses rival, Bernie Sanders. Quest avantatg na possia el betg pli prender suenter, uschia Clinton. Sanders n'ha fin ussa però anc betg dà si. L'ultima pre-elecziun è ils 7 da zercladur. Tranter auter vegn elegì a California, il stadi cun la pli gronda populaziun.
