-
Bild 1 von 4. Angela Merkel e Simonetta Sommaruga sin il Münsterplatz a Berna. Bildquelle: Keystone.
-
Bild 2 von 4. Angela Merkel e Simonetta Sommaruga han discurrì davart la relaziun dals dus pajais. Bildquelle: Keystone.
-
Bild 3 von 4. Angela Merkel e Simonetta Sommaruga. Bildquelle: Keystone.
-
Bild 4 von 4. Angela Merkel vegn beneventada da Simonetta Sommaruga a l'eroport da Berna. Bildquelle: Keystone.
«Per oz èn la Germania e la Svizra soras, ha ditg la presidenta da la Confederaziun Simonetta Sommaruga a la conferenza da medias.» Quai n'haja però da far nagut direct cun la quota da dunnas, uschia Sommaruga vinavant.
Sche la Svizra veglia cuntinuar la via bilaterala, stoppia questa via vegnir renovada. La Svizra stoppia perquai betg mo negoziar cun l'UE davart la libra circulaziun da persunas mabain er davart la cunvegna da basa instituziunala, il dossier d'energia u il dossier da perscrutaziun.
I vegn grev, ma nus vegnin a far tut per accumpagnar quest process a moda constructiva.
Merkel da sia vart ha engrazià per il discurs ed il bainvegni amicabel. Il pricipi da la libra circulaziun da persunas saja in principi da basa da l'UE, uschia Merkel. Il medem mument ha ella er acceptà la votaziun dal pievel svizzer davart l'immigraziun da massa. «I vegn grev, ma nus vegnin a far tut per sustegnair quest process a moda constructiva.»
Ordavant era la chanceliera vegnida beneventada cun onurs militaras sin il Münsterplatz a Berna. Ensemen cun Simonetta Sommaruga è ella passada sper la furmaziun d'onur da l'armada svizra.
Merkel lauda procedura d'asil en Svizra
Las regenzas da la Germania e da la Frantscha sajan sa cunvegnidas sin ina iniziativa communabla per quotas liantas per la repartiziun dals fugitivs en l'UE, uschia Angela. La chanceliera ha plinavant titulà il proceder d'asil da la Svizra sco exempel per l'UE sco era per la Germania. Quai tant cun reparter ils fugitivs sco era cun elavurar las dumondas d'asil.
RR novitads 12:00