Exteriur - Pitschna participaziun a las elecziuns en l’Italia
En l'Italia para la participaziun a las elecziuns regiunalas e communalas dad esser pitschna. Enfin mezdi avevan mo 14 pertschient da las persunas cun dretg d'eleger dà giu lur vusch.
La partida democratica dal primminister Matteo Renzi vala sco favurita en il duel cunter la partida conservativa Forza Italia da l'anteriur primminister Silvio Berlusconi. En tut èn 22 milliuns talians clamads a l'urna. 7 da 20 regiuns elegian lur deputadas e deputads.