Legenda:
Ina dunna en fugia suenter l'explosiun en l'ospital a Debaltsewe.
Keystone
cuntegn
Exteriur - Plirs morts e blessads tar bumbardament d’ospital
Tar cumbats en la citad ucranaisa Donezk è vegni bumbardà in ospital. Tenor indicaziuns dad autoritads localas ha quai dà plirs morts e blessads. L'agentura da novitads Reuters rapporta dad almain 3 morts.
Tenor indicaziuns dal militar hajan separatists cumenzà ina offensiva en l'ost da l'Ucraina. Las ultimas 24 uras sajan almain 80 citads vegnidas attatgadas cun rachetas ed artigliaria. Pervi dals cumbats intensivs saja quai difficil d’evacuar la populaziun, communitgescha la protecziun civila ucranaisa.
