Legenda:
En media datti 2,6 morts a di entras sajets da policists.
Keystone
cuntegn
Exteriur - Polizia americana ha sajettà giu 385 persunas
En ils Stadis Unids da l'America ha la polizia sajettà giu ils emprims tschintg mais da quest onn 385 persunas. Questa analisa da la «Washington Post» pudess dar nov anim a la debatta davart la violenza entras policists.
Il quint che la gasetta ha fatg, mussa ch'i dat en media 2,6 morts a di entras sajets da policists. Las statisticas da la Polizia federala FBI discurran dentant dad 1,1 unfrendas a di. I vegn crititgà che questas cifras na sajan betg cumplettas. Ils ultims mais hai adina puspè da protestas suenter che policists avevan sajettà giu persunas da pel stgira betg armadas.
