Legenda:
Ils policists han neutralisà las chargias explosivas en ina chasa datiers da Melbourne.
Keystone
cuntegn
Exteriur - Polizia australiana impedescha attatga terroristica
En l'Australia ha la polizia evità in'attatga terroristica per la segunda giada aifer duas emnas. En ina chasa datiers da Melbourne han policists chattà 3 chargias explosivas ed arrestà in giuven da 17 onns.
Tenor indicaziuns da la polizia federala era il giuven sa preparà per in'attatga terroristica en l'Australia. Las forzas da segirezza hajan survegnì in tip.
Gia l'avrigl avevan las autoritads medemamain arrestà 5 teenagers a Melbourne. In giuven da 18 onns che duai avair planisà in'attatga era vegnì accusà.
